Олунньу 22 күнүгэр Боотулуу орто оскуолатыгар “Ийэ тыл иэйиитэ” диэн Прокопий Степанович Прокопьев хоһооннорун уус-уран ааҕыы, айымньыларынан уруһуй күрэһэ буолан ааста. Күрэххэ Боотулуу орто оскуолатын 1-8 кылаас үөрэнээччилэрэ кыттыыны ыллылар.
Уруһуй күрэҕэр бастаабыт оҕолорго 1982 сылга оскуоланы бүтэрбит выпусниктар дьоһуннаах бэлэхтэри туттардылар.
Хоһоон ааҕыы күрэҕэр кыттыбыт оҕолор бары да ааҕаллара үчүгэйэ, бииртэн биир талаан аһыллан истэ. Түмүккэ бастынтан бастыҥнар ааттаннылар. Прокопий Степанович кыыһа Евдокия Прокопьевна бириис туттартаата.
