Туругурдун саха саҥата,
Дьүөрэ тыла, дорҕооно!
Саха саха буолуута,
Уруурҕаһан сайдыыта!..

М.П. Алексеев – Дапсы
Бу ытык өбүгэ олоҕор…

Эр Эллэй, Омоҕой ыччата!..
Сахалыы ыраастык саҥарыах!
Аар саха эрэлэ, дурдата!..
Сахалыы кэрэтик саҥарыах!..
Сахалар! Саргыбыт улааттын!
Сахалар! Соргубут таҕыстын!
Суон унаар буруобут хоройдун!
Суол аайы суон сурах
дуорайдын!..

М.П. Алексеев – Дапсы
Бу ытык өбүгэ олоҕор…

Саха киһи, ким да буол,
Саха тылын, иньэ тылгын,
Минньигэһин, тупсаҕайын –
Туохтан да ордук дорҕоонун
Күндүркэтиэх тустааххын.

М.П. Алексеев – Дапсы
Бу ытык өбүгэ олоҕор…

Кэһэн тиийбэт кэскиллээх,
Уунан тиийбэт уйгулаах,
Быраҕан тиийбэт быйаҥнаах,
Быстан сүппэт дьылҕалаах,
Дьоллоох Саха буолуоҕуҥ!..

М.П. Алексеев – Дапсы
Бу ытык өбүгэ олоҕор… (184 стр.)
2011 с.

Ийэ тылым ырааһын, бигэ туруктааҕын эрэ тухары омугум, дойдум баар, мин баарбын! Баарым тухары омукпун, дойдубун күүһүрдэр туһугар үлэлээн дьүккүһэрим дьолум буолар. Омугум тыына сылааһа – мин тыыннаах буолар, дьоллоох буолар, инникигэ бөҕөхтүк сананар мэктиэм.

М.П. Алексеев – Дапсы
📙 Ийэ тылбыт өрүттэрин туһугар

Саха тыла өлүө – суох!
Сайдыах, иилиэх-саҕалыах
Ыччат үүнэн, сиэттиһиҥ,
Салгыы дьону иитиһиҥ.

М.П. Алексеев-Дапсы
📙 Олох амтана кинигэттэн

Төрүт, иньэ өй – тылга,
Тылы таптааҥ харыстааҥ,
Тыһыынча сүүс да сылга
Тыыннаах тиийдин, харааннааҥ!..
Саха төрүт майгытын
Ыһыктымаҥ букатын!
Симэлийэн сүппэккэ
Сириэдийэн иһиэххэ!..

М.П. Алексеев – Дапсы
📙 Олох амтана.