Бүгүн ыам ыйын 23 күнүгэр, библиотекаҕа Боотулуутааҕы “Радуга” оҕо уһуйаанын улахан группатын иитиллээччилэрэ кэлэ сырыттылар, библиотеканы кытта маҥнайгыларын билистилэр. Уһуйаан оҕолоро “Остуоруйа дойдутугар айан’ диэн хартыынанан викторинаҕа оонньоотулар. Саамай элбэх сөптөөх эппиэти ылан, Васильева Альмира сэмэй бэлэх тутан үөрдэ-көттө. Оҕолор бары наһаа көхтөөхтүк кытыннылар. Салгыы библиотекарь оҕолорго библиотекаҕа сылдьыы быраабылаларын кэпсээтэ, кинигэни хайдах уларсар туһунан билиһиннэрдэ. Кырачааннар кинигэ выставкатын сэргээн көрдүлэр, пазл таҥнылар, легонан уонна “Олоҥхо дойдута” диэн остуол оонньуутугар оонньоон, сэргэхсийэн тарҕастылар. Аны күһүн оскуола боруогун атыллыахтаах оҕолор журнал уларыстылар, бастакыларын карточка арыттаран сонурҕастылар. Өссө да сылдьыах, ааҕар буоллахтарына араас кинигэ уларсыах буолан бардылар. Детсад эдэр үлэһитэ, уһуйааччы О. М. Егороваҕа, мл.воспитатель В. Н. Спиридонов аҕа, оҕолору аҕалан бибилотека үлэтин билиһиннэрбиттэригэр махталбын тиэрдэбит. Өрүү да библиотекаҕа сылдьар буолуохтара диэн эрэнэ күүтэбит!