Ыам ыйын 12 күнүгэр олохтоох библиотекаҕа, Боотулуу нэһилиэгин Ийэ тыл түмсүүтүн Сүбэ мунньаҕа буолан ааста. Барыта түмсүүбүтүгэр 11 киһи баарыттан, бүгүҥҥү көрсүһүүгэ 3 киһи үлэлэринэн игин тардыллан кыайан кэлбэтилэр. Бырайыакпыт тула кэпсэттибит, чочуйдубут, бырайыагы хайдах сатабыллаахтык үлэлэтэрбитин быһаарыстыбыт Нэһилиэнньэни барытын хабар үлэ ыытыллара сабаҕаланар. Оскуола оҕолоро эмиэ бу бырайыакка кытталларын ситиһиэхтээхпитин туһунан биир түмүккэ кэллибит. Салҕыы да түмсүүбүт мустан кэпсэтэр буолуоҕа, үлэбит хаамыытын сүбэлэһэр, быһаарсар буолуохпут диэн бука бары сүбэлэстибит. Маны таһынан, түмсүүбүт салайааччытын уонна салайааччы солбуйааччытын таллыбыт. Үөһээ Бүлүү улууһугар ыытыллыбыт сугулааҥҥа бырайыак көмүскээччинэн барсыбыт уонна улуус Сүбэ мунньаҕар бара сылдьыбыт Лазарева Марианна Николаевна (библиотекарь) куоластааһын түмүгүнэн Ийэ тыл түмсүү салайааччытынан талылынна, солбуйааччы Иванов Евгений Иванович(Боотулуу орто оскуолатын географияҕа учуутала) буолла.