Ыам ыйын 27 күнүгэр Бүтүн Арассыыйатааҕы Бибилэтиэкэ күнүгэр «Кинигэ күүһэ» өрөспүүбүлүкэтээҕи биир ситиминэн ыытыллар аахсыйаҕа Боотулуу нэһилиэгин бибилэтиэкэтигэр Каменевтар дьиэ кэргэттэрэ көхтөөхтүк кытыннылар. Ааҕааччы Саха Өрөспүүбүлүкэтин үөрэҕириитин туйгуна, бэтэрээн учуутал Мария Семеновна Тебенова буолла. Мария Семеновна тапталлаах сиэннэригэр Х.К. Андерсен бары билэр, сөбүлээн ааҕар «Дюймовочка» диэн алыптаах остуоруйатын ааҕан иһитиннэрдэ. Оҕолор кинигэ умсугутуулаах эйгэтиттэн улахан үөрүүнү, дуоһуйууну уонна умнуллубат түгэннэри ыллылар. Дьиэ кэргэнинэн кинигэ ааҕыыта — оҕону иитиигэ уонна ситими бөҕөргөтүүгэ саамай сөптөөх суол!
Бибилэтиэкэ күнүн чэрчитинэн “Как на книжкины именины” кинигэ быыстапкатын ааҕааччылар сэҥээрэн көрдүлэр. “Я люблю читать” аахсыйаҕа көхтөөх кыттыыны ыллылар.
