“Олоҕум миигин таптаабыта” Прокопий Степанович Прокопьев 105 сааһыгар аналлаах оскуолаҕа төгүрүк остуол буолла.
Олоҕун, аҕатын туһунан кыыһа Евдокия Прокопьевна кэпсээтэ. Нэһилиэк баһылыга Прокопий Степанович нэһилиэк киэн туттар киһитэ буоларын өссө тоһоҕолоон эттэ.
Кэлии ыалдьыппыт Туйаара Дмитреевна-Туос Туйаара тойуктаан олохтоохторго эҕэрдэ тылын тириэртэ. Араас сылга үлэлээн ааспыттара ахтылынныллар. Олохтоох библиотекарь Мария Петровна “Сардана”диэн литературнай түмсүүнү тэрийэн үлэтин саҕалаабытын, онно дьарыктаммыт суруйааччылар хоһооннорун ааҕан иһиттэннэрдэ. Ол түмсүүттэн ыалдьыт Василий Лукич “Күөрэгэй” диэн хоһоону ааҕан Прокопий Степановиһы санатан ылла. Үөрэппит оҕото билигин бэйэтэ биллиилээх учуутал Евгений Иванович Иванов ахтыыта хас уруогун өйдүүрэ, ол хоһооннорун ааҕан барыбытын сөхтөрдө. Анна Захаровна Театрга сценкаҕа бииргэ наһаа тапсан оонньообуттарын Прокопий Степанович оруолун хайдах итэҕитиилээхтик ис дууһатыттан оонньуурун кэпсээн ааста.
Бары мустубут дьон Прокопий Степанович үтүө -мааны майгытын, сытыары сымнаҕаһын, киһи диэн кэрэтин, учуутал диэн бастыҥа буоларын ахтан, санаан аастылар.
