Кыһыҥҥы уһун сынньалаҥнар аастылар. Күн уһаан киһи эрэ сырдыкка, кэрэҕэ тардыһыах кэмнэрэ. Күн уота сыламныы тыгыыта дьахтар аймах түбүгэ өссө элбиир. Ас хаһааныы, үүнээйи олордуута, ынах төрөөһүнэ…
Тохсунньу 31 күнүгэр Боотулуу киин бибилитиэкэтин дьиэтигэр сэбиэдиссэй Мария Петровна Николаева көҕүлээһининэн олус туһалаах күн ааста.
Кэрэ аҥардар мустан сахалыы төрүт астары хайдах астыылларын туһунан бэйэлэрин уопуттарыттан үллэһиннилэр. Ол курдук арыынан саламаат астыырга, күөрчэх, көбүөр ытыйарга эдэр көлүөнэ ийэлэри үөрэтэн, сүрдээх үчүгэй сүбэлэри биэрэн, сахалыы астаах сандалы тула олорон ирэ-хоро сэлэһэн, күннээҕи түбүктээх дьиэ үлэтиттэн аралдьыйан, сэмэй бэлэхтэри тутан астынан тарҕастылар. Маннык көрсүһүүлэр өрүү да буола турдуннар диибит. Түмсүүлээх буолуоҕуҥ🙌🏻🙌🏻🙌🏻
