Сыл ахсын балаҕан ыйыгар ыытыллар “Тобуруокап көмүс күһүнэ” сыллата кыттааччыта элбээн, көмүс дуйа халыҥаан иһэр диэн үөрэ бэлиэтиэххэ наада. Улахан поэппыт туоната дириҥээн, суруйбута-айбыта суолтата сотуллубакка, бүгүҥҥү күнү кытта тэҥҥэ хаамсарыттан эрэл күүһүрэр. Өлбөт-сүппэт айымньыларын норуот умнубата, ааҕара, ыллыыра, таптыыра, кини талааныгар дьон сүгүрүйэрэ сүргэни көтөҕөр, үөрдэр.