"Таптыыр сахам тылынан..." өркөн өй күрэҕэ - Ботулунская модельная сельская библиотека – филиал №14

Вход в личный кабинет

Ботулунская модельная сельская библиотека – филиал №14

“Таптыыр сахам тылынан…” өркөн өй күрэҕэ

14 февраля, 2024

Бүгүн о.э. олунньу 14 күнүгэр, бибилэтиэкэҕэ "Таптыыр сахам тылынан..." диэн интеллектуальнай оонньуу буолан ааста.

Бүгүн о.э. олунньу 14 күнүгэр, бибилэтиэкэҕэ “Таптыыр сахам тылынан…” диэн интеллектуальнай оонньуу буолан ааста. Ол курдук, саха тылын, саха литературатын таптааччылар, барыта 6 киһи икки хамаандаҕа арахсан күөн көрүстүлэр. Төһө даҕаны аҕыйах кыттааччы кэлбитин иһин, бүгүҥҥү күрэхтэһиибит олус истиҥник, интэриэһинэйдик ааста диэн бэлиэтиэххэ наада. Өксөкүлээх Өлөксөй, Ойуунускай айымньыларынан Боотулуу сынньалаҥ киинэ бэлэмнээбит тургутуктарын ааһан, саха тылын уонна саха литературатын төһө билэргэ куоталаһан, түмүккэ кыайыылаах хамаанда быһаарылынна. Бары кыттааччылар туоһу суругунан, кыайыылаахтар Добун суругунан биһирэннилэр. Инникитин да Боотулуу нэһилиэгин олохтоохторо маннык тэрээһиннэргэ көхтөөхтүк кыттыахтара диэн эрэнэбит.