Олунньу 13 күнэ – Саха Өрөспүүбүлүкэтигэр саха тылын уонна суругун-бичигин күнүнэн бэлиэтэнэр. Бу күнү хас сыл ахсын өрө күүрүүлээхтик, үөрүүлээхтик, сахалыы сайаҕас санаанан салайтаран, араас тэрээһиннэри ыытан көрсөбүт. Ол чэрчитинэн, Боотулуу орто оскуолатын оҕолоро эмиэ “Таптыыр сахам тылынан…” диэн тэрээһиҥҥэ кытыннылар. Библиотекарь Айталина Ивановна оскуола 3-8 кылааһын үөрэнээччилэригэр саха тылын төһө үчүгэйдик билэллэрин тургутан көрдө. Тэрээһини ыытарга саха тылын учууталлара уонна кылаас салайааччылара көмө буоллулар. Сорудахтары оҕолор сүһүөхтэринэн арахсан толордулар, араас ыйытыыларга хоруйдаатылар. Барыта тэрээһиҥҥэ 21 оҕо кыттыыны ылла.