Көтөрдөөх учаастагар, 2024 сыл олунньу 7 күнүгэр, Боотулуу библиотекарын кытта көрсүһүү буолан ааста. Биһиги киэн туттар киһибит, урукку кэмнэргэ Көтөрдөөх учаастага сайдарын туһугар элбэх сыратын уурбут биир дойдулаахпыт, Көтөрдөөхтөн төрүттээх Василий Семенович Алексеев төрөппүт оҕото, Национальнай библиотека үлэһитэ, библиотекарь-библиограф идэлээх Сардаана Васильевна биир дойдулаахтарыгар кинигэ кэһиитин хаһыс да төгүлүн ыытар. Ол курдук, Сардаана Васильевна араас кинигэни ыытарын таһынан, биир дойдулаахтарыгар бэйэтин аатыттан “Чолбон” сурунаалга суруттарар. Салгыы өссө да кинигэ элбээн, ааҕар нэһилиэнньэ хаҥаан иһиэ диэн эрэнэбит. Билиҥҥи туругунан, Көтөрдөөххө библиотека пууна аһыллан үлэтин саҥа саҕалаан эрэр. Инникитин Көтөрдөөх олохтоохторугар өссө да элбэх кинигэ, хаһыат, сурунаал уларсыыта үтүө үгэскэ кубулуйуо, ааҕар нэһилиэнньэ хаҥаан иһиэ диэн баҕа санаабыт улахан.