Кэрэни кэрэхсиир күндү кэрэ аҥаардары, оҕуруонан тиһии уустук ньымаларын билиэн баҕалаахтары, ииһи сэргээччи Боотулуу нэһилиэгин олохтоохторун, “Ромашка” түмсүү күн ахсын библиотека дьиэтигэр күүтэр. Сааһыттан тутулуга суох, ким баҕалаах, кэлэн оҕуруонан тиһэргэ үөрэниэххитин, бэйэҕитигэр уонна чугас дьоҥҥутугар сылаас илиигитинэн оҥоһуллубут дьэрэкээн киэргэллэри оҥоруоххутун сөп. “Ромашка” түмсүү ааспыт сыл сэтинньи ыйыттан, библиотекарь, оҕуруоһут Айталина Ивановна Софронова салайыытынан үлэлиир. Дьарыктаныан баҕалаахтар библиотекаҕа кэлэн билсиҥ, иллэҥ кэмҥитин туһалаахтык атаарыҥ, бэйэҕит талба талааҥҥытын арыйыҥ диэн ыҥырабыт. Олохтоох библиотека.