Сэтинньи 7 күнүгэр, Боотулууттан төрүттээх ытык кырдьаҕаспыт, убаастыыр убайбыт, лиҥкибиис-учуонай, тыл билимин хандьытаата, СӨ култууратын үтүөлээх үлэһитэ М.П. Алексеев – Дапсы аатын уонна үөрэҕин тарҕатыы чэрчитинэн, маны эгэ П. А. Ойуунускай төрөөбүтэ 130 сылын көрсө Үөһээ Бүлүү улууһун үрдүнэн үһүс төгүлүн ыытыллар Дапсы дьыктаана буолан ааста. Бу тэрээһиҥҥэ Боотулуу нэһилиэгиттэн барыта 16 улахан киһи, 12 оҕо кыттыыны ыллылар. Орто оскуола онус кылааһын үөрэнээччилэрэ, нэһилиэк олохтоохторо бу күн П. А. Ойуунускай “Оҕо куйуурдуу турара” айымньытыттан быһа тардыыны олус бэркэ суруйдулар. 12 оҕоттон 5 оҕо “Бастыҥ суруксут”, 4 оҕо “Үчүгэй суруксут” аатын сүктүлэр. Улахан дьоҥҥо эмиэ 5 киһи “Бастыҥ”, 4 киһи “Үчүгэй” суруксут аатын сүктүлэр. Кыттааччыларга Туоһу сурук туттарылынна. Дьыктааны библиотекарь Айталина Ивановна суруттарда. Маны таһынан Боотулуу нэһилиэгин биир ытык кырдьаҕаһа, 85 сааһын туолаары сылдьар Дария Семеновна Тебенова дьыктааҥҥа кэлэн көхтөөхтүк кыттыбыта улахан холобур буолар. Инникитин да нэһилиэк олохтоохторо, бибилитиэкэ ыытар тэрээһиннэригэр көхтөөх кыттыыны ылыахтара диэн бэйэтин баҕа санаатын библиотекарь Айталина Ивановна Софронова тириэрдэр.