Саханы саха дэтэр, төрөөбүт тылбыт төлкөтө төннүбэтин, түөрэҕэ түҥнэстибэтин туһугар төлөнүрэн туран үлэлиир биир дойдулаахпыт, Боотулууттан төрүттээх ытык кырдьаҕаспыт, убаастыыр убайбыт, лиҥкибиис-учуонай, тыл билимин хандьытаата, СӨ култууратын үтүөлээх үлэһитэ М.П. Алексеев – Дапсы аатын уонна үөрэҕин тарҕатыы сиэринэн, Үөһээ Бүлүү улууһун үрдүнэн үһүс төгүлүн Дапсы дьыктаана ыытылла турар. Дапсы Мэхээлэ төрөөбүт дойдутугар, Боотулуу нэһилиэгэр бүгүҥҥү үгэскэ кубулуйбут дьыктааҥҥа, орто оскуола онус кылааһын оҕолоро кыттыбыттарын туһунан олохтоох билиитиэкэ сонунун үллэстэр.