Бэс ыйын 21 күнүгэр, Боотулуу нэһилиэгэр үс Норуодунайдарга анаан ыытыллыбыт ыһыахха, Николай Амыдаев төрөөбүтэ 90 сылыгар анаан оҕолорго улуустааҕы оҥоһук күрэҕэ буолан ааспыта. Ол курдук күрэххэ барыта Сургуулук, Боотулуу, Маҥаас, Дүллүкү уонна Үөһээ Бүлүү нэһилиэктэриттэн 20 оҕо кыттыыны ылла. Оҕолор араас матырыйааллартан хастыы да үлэлэрин күрэххэ киллэрбиттэрэ. Күрэҕи Амыдаевтар-Винокуровтар дьиэ кэргэттэрэ уонна Боотулуу нэһилиэгин библиотеката кыттыһан тэрийдилэр. Хас биирдии кыттыбыт оҕо анал аакка тигистэ, Добун сурук уонна өйдөбүнньүк бэлэх тутта. Улахан уонна орто сүһүөх оскуола оҕолоругар үстүү кыайыылаах (1,2,3 миэстэ) таҕыста. Кыайыылаахтар Добун суруктарынан уонна харчынан бириэмийэлэннилэр. Күрэҕи тэрийээччилэргэ анаан Саха сирин худуоһунньуктарын Сойууһуттан Махтал сурук туттарылынна.
