Боотулуу нэһилиэгин Көтөрдөөҕүттэн төрүттээх, Үөһээ Бүлүүттэн көҥүл тустууга ССРС спордун маастара, хапсаҕайга Саха АССР спордун маастара, ССРС физическай култуураҕа уонна спортка туйгуна, РФ уопсай үөрэхтээһинин бочуоттаах үлэһитэ, СР үтүөлээх учуутала, үөрэҕириитин уонна култууратын туйгуна, Учууталлар учууталлара, суруйааччыта, Үөһээ Бүлүү, Боотулуу, Ороһу, нам нэһилиэктэрин уонна Үөһээ Бүлүү улууһун бочуоттаах олохтооҕо, Аан Дархан оһуохай этээччи, тойуксут Николай Павлович Корякин — Уран Ньукулай төрөөбүтэ 85 сылын көрсө төрөөбүт, үөскээбит сиригэр Боотулууга, кини аатын үйэтитэр сыаллаах, тэрээһиннэр буолан аастылар.
Ахсынньы 16 күнүгэр Н.А.Золотарев аатынан Боотулуу орто оскуолатыгар Н.П.Корякин 85 сылыгар аналлаах оскуола иһинэн кэмпириэнсийэҕэ үс хайысханан 22 үлэни аахтылар.
Н.П.Корякин чаҕылхай олоҕо хайысхаҕа Григорьев Алеша,8 кылаас үөрэнээччитэ, “Уран Ньукулай чаҕылхай олоҕуттан быһа тардан” дакылаатынан лауреат үрдүк аатын ылла.
1 үрдэл. Спиридонов Д. (11кылаас), Спиридонова В. (7 кылаас), Никитин А. (1 кылаас)
2 үрдэл. Герасимова С. (9 кылаас), Егорова Э. (4 кылаас)
3 үрдэл. Максимова У. (10 кылаас), Кириллин А. (9 кылаас), Дьячковскай С. (2 кылаас)
Уран Ньукулай — уран тыл маастара диэн хайысхаҕа Огочонова Лена, 4 кылаас үөрэнээччитэ, «Николай Павлович Корякин «Ыра санаам ырыа буоллун» хоһоонун хомуурунньуга» теманан лауреат буолла.
1 үрдэл. Спиридонва К. (8 кылаас), Дюлюнова С. (5 кылаас), Степанова Д. (2 кылаас)
2 үрдэл. Васильева В. (10 кылаас), Герасимова С. (5 кылаас)
3 үрдэл. Максимова Н., Степанова С. (11 кылаас), Васильева Я., Архипова Ю. (6 кылаас)
Н.П.Корякин — уһулуччулаах спортсмен үһүс хайысхаҕа Никитин Алеша, 3 кылаас үөрэнээччитэ, “Тустуук Кэрээкин” үлэтинэн лауреат үрдүк аатын ылла.
1 үрдэл. Дюлюнов С. (9 кылаас), Федотова С. (4 кылаас)
2 үрдэл. Адамов А., Ефимов Я. (3кылаас)
3 үрдэл. Федотов Б. (2 кылаас)
Ахсынньы 20 күнүгэр Н.А.Золотарев аатынан Боотулуу орто оскуолатын спортзалыгар Н.П.Корякин аатын иҥэрии сиэрэ-туома буолан ааста.
Салгыы култуура дьиэтигэр Николай Павлович туһунан чугас дьоно, биир дойдулахтара, үөлээннээхтэрэ ахтан санаан, хоһооннорун ааҕан, ырыаларын ыллаан истиҥ ахтыы киэһэтэ буолла.
Ахтыы киэһэтэ Саха Өрөспүүбүлүкэтин Дархан этээччитэ Егор Егорович Егоров оһуохайынан түмүктэннэ. Оһуохайы бу сигэнэн киирэн көрүҥ.
