Тылгыт баайын хаҥатар, сайыннарар сыаллаах-соруктаах СОМОҔО ДОМОХ ООННЬУУТУГАР ыҥырабыт! Умнубуккутун өйдүөххүт, саҥаны сомсуоххут диэн эрэнэбит!
Сомоҕо домох (фразеологизм) — биир уустук өйдөбүлү биэрэр суолталаах, солбуллубат тыллаах, уларыйбат көрүҥнээх (формалаах) тыллар холбоһуктара.
Саха тылыгар олус элбэх сомоҕо домох баар. Н. С. Григорьев «Саха тылын сомоҕо домоҕун тылдьыта» (1974 с.) кинигэтигэр 3000 кэриҥэ сомоҕо домох киирбит. Бу саха тылын биир этигэн ньымата, барҕа баайа буолар.
