Кэлэр 2025 сыл Бэлиэтэ “Күөх мас моҕой” буолуоҕа. Бу кэлэр моҕой сыла хайдах буолар тустааҕын, илиҥҥи халандаарынан хаһан саҕаланарын, ханнык өҥ сөп түбэһэрин уонна хайдах бэлэхтээх көрсөрбүт туһунан сиһилии ааҕыҥ:
2025 сыл – Эриэн үөн дьыла
Восточнай гороскопка уон икки харамай ыйынан буолбакка, хас биирдии уон икки сыл устата уочаратынан дьон олоҕор сабыдыаллыыллар.
Итини таһынан биэс “стихия” (уот, сир, тимир, уу уонна мас) эмиэ баар, хас биирдиилэрэ чопчу дьэрэкээн ойуулаах ассоциацияланаллар. Уопсайа 60 араас комбинация оҥорон, чуолаан, кэлэр сыл символа буолар. 2025 сыллааҕы покрователь маннык гороскопка сөп түбэһиннэрэн “Күөх Мас” эриэн үөн буолар.
Илиҥҥи гороскоп ый халандаарыгар быһаччы сыһыаннаах. Онон эриэн үөн дьыла тохсунньу ый 1 күнүттэн буолбакка, 29 чыһылаттан биирдэ эрэ саҕаланар уонна 2025 сыл түмүгэр буолбакка, 2026 сылга олунньу ый 16 күнүгэр биирдэ түмүктэнэр эбит.
Моҕой бэлиэтэ
Элбэх киһи моҕойу көрдөхтөрүнэ саамай үчүгэй санааны ылымматтарын үрдүнэн, Кытай гороскопугар моҕой биир саамай ытыктанар үөн буолар. Кини өй-санаа уонна муударай буолуу бэлиэтэ, ону кытта тэҥҥэ – имигэс уонна албас, киитэрэй буолуу бэлиэлээх. Бу хаачыстыбаларынан кини туох эмит уларыйыылары чэпчэкитик уонна холкутук ылынар кыахтаах.
“Бытааннык, сэрэнэн хамсанар дьоҕуру – маны толкуйдуур, ырытар дьоҕур нөҥүө үөрэниэххэ наада. 2025 сылга, эн ордук инники көрүүнү тутуһуохтааххын уонна сөптөөх былааннары оҥоруохтааххын,” диэн цифровой психоанализ экспертэрэ уонна нумерлогтар этэллэр.
Эриэн үөн Илиҥҥи дойдуга үгэс быһыытынан эйэлээх уонна сымнаҕас харамайдарынан ааҕыллаллар, ол гынан баран кинилэри намтатыа суохтаахпыт. Кутталлаах түбэлтэҕэ эриэн үөн өстөөҕү тэйитэр кыахтаах. Дьиэ аттыттан эриэн үөнү булуу улахан дьол бэлиэтинэн ааҕыллара.
Өҥнөр
Илиҥҥи гороскопка ахтыллар биэс “стихия” хас биирдиилэрэ туспа сөп түбэһэр өҥнөөхтөр. Холобур, тимиргэ үрүҥ, оттон маска от күөх (эбэтэр халлаан күөх). Ол иһин “Күөх эриэн үөн” 2025 сыл бэлиэтэ буолар.
Эриэн үөн дьылыгар ханнык сыллар киирэллэрэ
Илиҥҥи гороскопка 12 эрэ харамай киирэр буолан, бииртэн биир сылга кэлэр бэлиэ уочаратынан уларыйан иһэр буолан, эриэн үөн сыла уон икки сыл буола-буола хатыланар буолан тахсар. Ол аата: 1917, 1929, 1941, 1953, 1965, 1977, 1989, 2001, 2013, 2025 сылларга эриэн үөн дьыла буолан тахсар.
Манна даҕатан эттэххэ, “Күөх эриэн үөн” ааспыт сыла 1965 сыллаахха бэлиэтэммитэ.
Кытай халандаарыгар моҕой суолтата
Эриэн үөн биир уратыта диэн тириитин уларытар кыаҕа буолар. Онон кини сыла үксүн саҥардыллыыны, уларыйыыны кытта сибээстээх, ол аата бу рептилия бэлиэтинэн ааһар сыл ахсын дьор уларыйыыга бэлэм буолуохтаахтар.
Эриэн үөн сыаллаах-соруктаах харамай буолар, ол таһынан тулуурдаах, быһаарыыны ылынарыгар ыксаабат. Маннык хаачыстыбалар ситиһиини ситиһэргэ туһалаах буолуохтарын сөп.
“ – 2025 сыл өйгө-санааҕа, сэрэхтээх буолууга уонна кээмэйдээх хардыыларга олоҕурар, диэн нумерологтар кэпсииллэр. – Үчүгэй өйү-санааны, толкуйдаах буолууну уонна көрүүлэри сыаналыыр дьоҕуру тутуһуу ирдэнэр. Хас биирдии күн итинник хаачыстыбаттан саҕаланыахтаах: киһи чуолкайдык толкуйдаабыт, ырааҕы көрөр былааннаах буолуохтаах. Итинник былааннаах эрэ киһи дьайыыны саҕалыан сөп, оччоҕо сыалы ситиһэргэ үчүгэй кыах үөскүүр.”
Күөх моҕой сылын ханна бэлиэтиибит
Моҕой арыый кистэлэҥ харамай буолан, тыастаах-уустаах сирдэртэн, улахан хампаанньалартан тэйэ сатыыр буолан, чугаһаан иһэр эриэн үөн саҥа дьылын сымнаҕас, эйэлээх эйгэҕэ, ордук дьиэҕэ, дьиэ кэргэҥҥин уонна чугас доҕотторгун кытта бэлиэтииргэ сүбэлииллэр.
Кэлэр Саҥа дьылы бэлиэтиир сиргитигэр тиэмэлээх киэргэтиилэри талыыга эмиэ болҕомтолоох буолуохтааххыт. Моҕой айылҕаҕа сыһыаннааҕы барытын сөбүлүүр буолан, араас айылҕа декорун туһаныаххын сөп (холобур, кэрэ таастары эбэтэр квартира тула туруоруллубут харыйа лабааларын). Сырдыкка тыгар харыйа оонньуурдара уонна килибичийэр мишуралар эмиэ эриэн үөн курдук буолуохтара, уонна харыйаны эбэтэр бырааһынньык остуолун кэлэр сыл бэлиэтин статуэткатынан киэргэтиэххэ сөп.
Эриэн үөн сылын көрсө тугу таҥныахха сөбүй
Мааны уонна кэрэ таҥаһы – бу 2025 сылга таларга сүбэлииллэр. Эриэн үөн курдук таҥаһы уонна матырыйааллары талан, бэлиэни үөрдүөххүтүн сөп. Бу манна күлүмүрдүүрү, стразалары, тимир күндү оттеноктара (кыһыл көмүс эбэтэр үрүҥ) буолуохтарын сөп.
Таҥаһын өҥүн толкуйдуургар, “Күөх эриэн үөн” өҥүн бары өҥнөрүгэр сөп түбэһэри тала сатыахха наада (бастатан туран, эскпертар сүбэлэринэн, баай айылҕа өҥнөрүгэр – изумруд, сосновый уо.д.а.), дьэрэкээн уонна сымнаҕас хоҥор, уонна араҕастыҥы сырдык (бежевай) өҥнөргө болҕомтоҕун ууруохтааххын.
Оттон кыһыл өҥ олус дьикти. Биир өттүнэн, бу өҥ ситиһии өҥүнэн ааҕыллар, ол эрээри, Уот “стихиятын” кытта сибээстээх буолан, Маһы кытта сөп түбэспэт. Ол иһин Саҥа дьыллааҕы таҥаһы талар кэмҥэ кыһыл өҥнөргө (ордук олус чаҕылхайдары) сэрэхтээхтик туттуохха наада.
Бырааһынньыктааҕы платьеҕа эбэтэр көстүүмҥэ айылҕаҕа суох өҥнөр бары куһаҕан буолуохтара (холобур, аһара сырдык, айылҕаҕа сөп түбэспэт неон өҥнөр). Экстравагантнай стиллэри атын бырааһынньыктарга эмиэ тэйитиэххэ наада: кэлэр сыл бэлиэтэ итинник дьүһүннээһини сыаналыа суоҕа.
Тугу бэлэхтиибит
Эриэн үөн дьылыгар харамай практическай бэлэхтэри олох утарбат, онон Саҥа дьыллааҕы мас анныгар эҕэрдэлиир киһи өрдөөҕүттэн ыра санаатын (саҥа музыкальнай колонканы, иһит-хомуос набора уо.д.а.) туруоруохха сөп. Харчылаах конверт эмиэ бэртээхэй бэлэх буолуоҕа уонна, баҕар, киһи Саҥа дьыллааҕы баҕа санаатын олоххо киллэрэригэр кыах биэриэ.
Атын үгүс бырааһынньыктарга курдук, Саҥа 2025 сылга косметиканы эбэтэр духины бэлэхтээһин олус болҕомтолоохтук бэриллиэхтээх (итиэннэ эҕэрдэлиир киһи амтана чопчу биллэр буоллаҕына эрэ). Тоҕо диэтэххэ, маннык бэлэххэ сөптөөх бэлэҕи хараҕа суох талар кыаллыбат диэххэ сөп, онон ылыы сөбө суох.
Оттон эриэн үөн араас киэргэллэргэ барытыгар үчүгэйдик сыһыаннаһар. Холобур, кэрэ аҥардар биһилэхтэри, кулоннары эбэтэр браслеттары сөбүлүөхтэрэ; Кэлэр сыл бэлиэтигэр убаастабылы эриэн үөн быһыылаах киэргэллэри талан тоһоҕолоон бэлиэтиэххэ сөп.
Моҕой айылҕаны кытта сибээстээх, ол аата бырааһынньыктааҕы бэлэххэ айылҕа матырыйаалыттан оҥоһуллубут маллары эбии киллэриэххэ сөп. Онтон кэлэр сылга бэйэни сайыннарыыга улахан болҕомто ууруллуохтааҕын быһыытынан, бэлэх быһыытынан, холобур, киһиэхэ саҥа карьера үрдүккэ тахсарыгар эбэтэр саҥа эйгэҕэ бэйэтин олоххо киллэрэргэ көмөлөһүөхтээх маллары биэрэр ордук.
Бэлиэлэр уонна үгэстэр
Хас биирдии киһи саҥа дьыл тахсан эрэр сыллааҕар ордук ситиһиилээх, эйэлээх, кэскиллээх буолуо диэн ыра санаалаах. Саҥа дьыл түүнүгэр дьиэҕэр дьолу-соргуну тардар туһугар, түннүккэ үүттээх кыра бүлүүһэни туруоруоххун сөп: эриэн үөн маннык аһылыгы сөбүлүөҕэ.
Кэлэр сылы түмүктэнэр сыл үчүгэйэ суох таһаҕаһын илдьэ көрсүө суохтааххын. Сүрүн түүнү кэтэһэ олорон, туох баар иэһи төлүүр, хаһан эрэ бэриллибит эрэннэриилэри толорор, дьиэ кэргэн, доҕоттор кытары мөккүөр тахсыбатын туһугар туох кыалларынан барытын оҥорор тоҕоостоох.
Кэлэр сылга дьон тугу баҕаралларын ситиһэллэригэр көмөлөһүөхтээх универсальнай бэлиэлэр эмиэ бааллар. Холобур, 2025 сылга үп-харчы өттүнэн үчүгэй буолууну ситиһиэххин баҕарар буоллаххына, атаҕын таҥаһын анныгар эбэтэр хармааҥҥар харчыны кистиэххин наада.
Моҕой сыла хайдах буолуой?
“Эриэн үөн үүнүү-сайдыы, үтүө дьылҕа уонна кэскил бэлиэтинэн ааҕыллар. Мас (стихия) эриэн үөнүн сыла 2025 үгүс дьоҥҥо сыалларын ситиһэр кыаҕы биэриэҕэ, ордук уларыйыыга аһаҕас буоллахтарына, ону тэҥэ сымнаҕас уонна бэйэлэрин интуицияларын истэр буоллахтарына. 2025 сыл улахан суолталаах уларыйыылар уонна үүнүү кэмэ буолара күүтүллэр диэн астрологтар билгэлииллэр. -Эриэн үөн аналитическай уонна стратегическай ньымалаах, онон экэниэмикэ өттүнэн уонна үп, 2025 сыл сэмэй инвөстиция сыла буолуоҕа уонна
үп-харчы өттүнэн тэтимнээх уонна туруктаах үүнүү. Ол гынан баран, түргэн барыһы ылыыга уонна кутталлаах ньымалары туһанар салаалар уонна тэрилтэлэр ыарахаттары көрсүөхтэрин сөп.
Эриэн үөн сылыгар Мас (стихия) айар күүһэ эмиэ саҥаны айыы сайдыытыгар көмөлөһүөҕэ, тоҕо диэтэххэ, саҥа быһаарыылары буларга, атыннык толкуйдуурга көмөлөһүөҕэ. Аан дойду үрдүнэн эриэн үөн сылын сабыдыалынан улахан уларыйыылар буолуохтарын сөп, уонна үөн муудараһа дойдулар бэлитиичэскэй салайааччыларыгар аан дойдутааҕы сыһыаннаһыыларга сөптөөх быһаарыылары ылыналларыгар көмөлөһүөҕэ.”
“2025 сылга бэрээдэги төннөрүөхтээхпит. Онтон 2024 сыл туох эрэ саҥаны киллэрэр, балаһыанньаны уларытар санаалар уонна сорунуу сыла буоллаҕына, 2025 сыл бу саҥа дьыала кэнниттэн тэтимнээх буолуу сыла буолар. Көһүү кэнниттэн, барытын оннугар туруоран, дьыаланы бэрээдэгинэн туруоруохха наада буоллаҕына. 2025 сылга олох саамай күүстээх хайысхата – духуобунай, ол кэмҥэ сыһыаны, дьиэ кэргэни уонна уопсастыбаны кытта сыһыаннаах принциптэр уонна санаалар бастакы миэстэҕэ туруохтара. Сэрэхтээхтик уонна тэтимнээхтик, кыра хардыыларынан, суолга тахсар барытын сөп түбэһиннэрэн уонна туораан дьаһаныаххын наада. Ыксал ханнык баҕарар дьыаланы алдьатыан сөп. Кыра дьыалаҕа болҕомтону уурар улахан суолталаах, тоҕо диэтэххэ, кинилэртэн улахан дьыала тутуллар. Эриэн үөн бэйэтин дьайыытын ылар туһугар өйү-санааны, дьоҕуру биэриэҕэ, оттон күөх өҥ барытыгар саҥардыы эрэннэрэр. Быйыл ким ордук дьоллоох буолуой? Бастатан туран – Драконнар уонна Эриэн үөннэр. Кинилэргэ дьыл чаһы курдук ааһар, тоҕо диэтэххэ сыл энергията кинилэргэ олус чугас. Уонна ханнык быраабыланан оонньуохтаахтарын билэллэр. Сибиинньэ уонна Кролик сэрэхтээх буолуохтарын наада, тоҕо диэтэххэ, балаһыанньа кинилэргэ табыгаһа суох буолуон сөп.
Кэлэн иһэр Саҥа дьылынан!
